Британското Министерство за одбрана утрово објави нов извештај за војната во Украина.
Денеска пишуваа за ситуацијата во руската армија каде моралот, како што тврдат Британците, е многу низок.
Така, Британците пишуваат дека поради лошиот морал и неподготвеноста за борба, руската армија најверојатно развила специјални единици чија задача е да им се закануваат на војниците кои сакаат да се повлечат.
Со други зборови, станува збор за единици кои пукаат во војници кои дезертираат или ја напуштаат борбената линија.
Британците потсетуваат дека Русите имаа такви специјални единици и во претходните конфликти.
Неодамна руските генерали веројатно сакале нивните команданти да користат оружје против дезертерите, пишуваат Британците. Тоа вклучува, велат тие, дозвола за убивање дезертери.
„Тактиката на пукање во дезертери веројатно сведочи за слабиот квалитет, слабиот морал и недисциплината на руските сили“, заклучуваат Британците.
Сите информации поврзани со најновите случувања со војната во Украина можете да ги прочитате ТУКА.