Астероидот широк 1,5 километар, наречен 2022 AP7, е откриен во област каде што е многу тешко да се видат објекти поради отсјајот од Сонцето.
Пронајден е заедно со два други астероиди блиску до Земјата со помош на високотехнолошки инструмент на телескопот Виктор М. Бланко во Чиле, кој првично беше развиен за проучување на темната материја.
„022 AP7 ја пресекува орбитата на Земјата, што ја прави потенцијално опасен астероид, но моментално не е на судир со Земјата“, рече водачот на тимот што го откри астероидот, астроноmот Скот Шепард од Институтот за наука Карнеги.
Потенцијалната закана произлегува од фактот дека, како и со секој друг објект во орбитата, неговата траекторија полека ќе се менува поради безброј гравитациони сили, особено на планетите.
Затоа е тешко да се прават долгорочни прогнози.
Новооткриениот астероид е најголемиот потенцијално опасен за Земјата објект откриен во последните осум години, според NOIRLab, истражувачка група финансирана од САД која управува со повеќе опсерватории.
Во нејзината сегашна орбита, ризикот е мал, но во случај на судир, астероид со таа големина би имал разорно влијание врз животот каков што го знаеме, рече Шепард.
Тој објасни дека прашината фрлена во воздухот ќе има голем ефект на ладење, предизвикувајќи масовно изумирање чие слично не било видено на Земјата со милиони години.
Резултатите од неговиот тим беа објавени во научното списание The Astronomical Journal.
Останатите два астероиди не претставуваат никаква закана за Земјата, но едниот е најблискиот астероид досега пронајден до Сонцето.
Околу 30.000 астероиди од сите големини – вклучително и повеќе од 850 поголеми од еден километар – се идентификувани во близина на Земјата, со што ја добија ознаката „Објекти во близина на Земјата“ (NEOs).
Ниту еден од нив не е закана за Земјата во следните 100 години.
Според Шепард, веројатно може да се најдат 20 до 50 големи NEO, но повеќето се во орбити заматени од сјајот на Сонцето.
Како дел од подготовката за идното откривање на уште поопасен објект, НАСА на крајот на септември изврши пробна мисија во која го судри вселенското летало со астероид, докажувајќи дека е можно да се промени неговата траекторија.