Северна Кореја истрела три балистички ракети со краток дострел во Источното Море и најмалку седум други проектили од различен тип, вклучително и едната што беше насочена кон јужнокорејскиот остров Улеунг пред да падне во близина на источниот брег, соопшти началникот на здружениот штаб на Јужна Кореја.
„Армијата на Република Кореја никогаш не може и нема да толерира таква провокација од Северна Кореја“, додаваат од JCS.
BREAKING: North Korea has launched a suspected ballistic missile into the East Sea, Seoul’s Joint Chiefs of Staff said Wednesday morning.
More soon @nknewsorg.
— NK NEWS (@nknewsorg) November 2, 2022
„Јужна Кореја и САД тесно ќе се координираат, ќе реагираат строго и цврсто.“
За прв пат проектилите паднаа во близина на јужнокорејскиот брег.
Еден проектил паднал на 26 километри јужно од линијата за разграничување на Северот, еден на 57 километри од јужнокорејскиот град Сокчо на источниот брег и еден на 167 километри од Улелунг, објави Јужна Кореја.
Јужна Кореја одговори со три проектили
Сеул одговори во средата три часа откако Пјонгјанг ја лансираше ракетата.
Како одговор, тие лансирале три ракети, за кои официјални лица велат дека слетале на слично растојание долж северната гранична линија, пренесува Би-Би-Си.
Новите тестови дојдоа еден ден откако Северот им се закани на Јужна Кореја и САД поради нивните заеднички воени вежби.