Според извештаите, Белата куќа го презема „секој можен чекор“ за да избегне директна средба меѓу претседателот Џо Бајден и неговиот руски колега Владимир Путин на самитот на Г-20 во Индонезија следниот месец, пишува Гардијан.
Американските власти, исто така, наводно преземаат мерки за да избегнат дури и средба во ходникот или можноста двајцата лидери да се фотографираат заедно, пренесува Индекс.
Бајден минатата недела за Си-Ен-Ен изјави дека не планира да се сретне со рускиот лидер на Бали, но дека би направил исклучок доколку Путин е отворен да разговара за ослободување на американската кошаркарка Бритни Гринер, која се наоѓа во руски затвор.
Политико цитираше повеќе американски официјални претставници дека преговорите меѓу администрацијата на Бајден и Кремљ за ослободување на американските затвореници во Русија, вклучително и Гринер, не се воспоставени.
Официјални лица рекоа дека Бајден и Путин би можеле да се вкрстат во одреден момент за време на самитот во ноември, но американските власти ја отфрлија можноста за формален состанок.
Вилијам Тејлор, поранешен американски амбасадор во Украина, рече:
„Знаеме што мисли претседателот Бајден за претседателот Путин – тој мисли дека е убиец, тој мисли дека е воен злосторник. Обично не среќавате убијци и воени злосторници.
Сите информации поврзани со најновите случувања со војната во Украина можете да ги прочитате ТУКА.