Американскиот претседател Џозеф Бајден изјави дека светот испратил јасна порака откако Генералното собрание на ОН со големо мнозинство ја одобри резолуцијата со која се осудува руската анексија на четири украински територии како нелегална.
– Русија ги уништува самите основи на меѓународниот мир и безбедност. Влоговите на овој конфликт се јасни за сите – а светот испрати јасна порака како одговор. Русија не може да избрише суверена држава од мапата. Русија не може да ги промени границите, Русија не може да земе територија на друга земја за своја. Речиси осум месеци по оваа војна, светот штотуку покажа дека е пообединет и порешителен од кога било – рече Бајден, пренесе Си-Ен-Ен.
Резолуцијата беше поддржана од 143 членки на Обединетите нации и гласаа за осуда на незаконскиот обид на Русија за анексија на Луганск, Доњецк, Керсон и Запорожје по референдумите кои западните лидери ги оценија како измамнички.
Само четири членки на ОН застанаа на страната на Москва – Белорусија, Северна Кореја, Никарагва и Сирија.
Сите информации поврзани со најновите случувања со војната во Украина можете да ги прочитате ТУКА.