Вадим Викторович Бакатин, последниот шеф на КГБ, почина во неделата во Москва на 85-годишна возраст.
Бакатин беше последниот претседател на КГБ во СССР, а под него беше реформиран некогашниот семоќен оддел, по што Комитетот за државна безбедност беше поделен на неколку независни специјални служби.
Вадим Бакатин е роден на 6 ноември 1937 година.
Беше член на Комунистичката партија на Советскиот Сојуз од 1964 до 1991 година.
Во 1988 година, Бакатин беше назначен за министер за внатрешни работи на Советскиот Сојуз.
Неговиот мандат траел до 1990 година, а следната година бил назначен за шеф на КГБ.
На крајот успеал да ја распадне КГБ, да го разреши Четвртото одделение на главната управа „З“, Петтото главно одделение, односно полицискиот апарат кој управувал со тајните доушници, политичките досиеја и машинеријата за лов на неистомисленици.
По распуштањето на КГБ, тој беше на чело на Меѓурепубликанската служба за безбедност на Советскиот Сојуз.
Бакатин беше номиниран за кандидат на Комунистичката партија за претседателските избори во Советскиот Сојуз во 1990 година. Сепак, тој одлучи да не се кандидира.