Чеченскиот лидер Рамзан Кадиров ја призна својата следна задача во рамките на војната во Украина.
Тој смета дека е многу важно „да се уништат остатоците од терористите кои избегаа од Чеченската Република“ по кои се трага.
Според него, тие сега се во главниот град на Украина, а сите негови борци од Чеченија интензивно се подготвуваат и го чекаат моментот кога ќе пристигнат соодветни инструкции.
– Оваа недела, како што знаете, целосно ја ослободивме целата територија на ЛНР (Луганска Народна Република) од националистичките никаквци. Да, ова е несомнено историско и судбоносно достигнување за Луганск, но барем за нас Чеченците, специјалната операција е далеку од завршена. Очајно се надеваме дека ќе добиеме можност да стигнеме до Киев, доколку е потребно, и да ги докрајчиме остатоците од терористите кои во тоа време избегаа од Чеченската Република, напиша Кадиров во својот канал на Телеграм.
Кадиров истакна дека повеќепати најавувал голема награда за информации за тоа каде се наоѓаат милитантите.
Но, во исто време, тој претходно вети награда за секоја информација за тоа каде се наоѓа Степан Бандера (украински политички и социјален активист, еден од водачите на украинското национално движење во западна Украина, кој почина во 1959 година).
Покрај тоа, тој истакна дека од почетокот на „специјалната операција“ неговото внимание било сведено на откривање на локацијата на терористите.
– Имам само едно барање. Се состои во тоа да ни дозволиме, доколку е потребно, да одиме во самиот Киев и да им се одмаздиме на нашите крвни непријатели. Тоа е се што бараме. Останатото ќе го направиме сами, напиша тој.
Покрај тоа, Кадиров пред неколку дена се сними во видео со псевдо-претседателот на Украина, Володимир Зеленски, кој се чини дека го потпишува чинот на предавање под притисок на шефот на Чеченската Република.
Сите информации поврзани со најновите случувања со војната во Украина можете да ги прочитате ТУКА.