Британката Ева Бачу уживала во својот летен одмор на Крит, каде се релаксирала покрај базенот, кога наеднаш почувствувала непријатен мирис.
Имено, таа почувствувала мирис на чад, а кога се свртела да земе вода од чантата бидејќи била жедна, сфатила дека чантата и се запалила.
Нејзиното видео на ТикТок е прегледано повеќе од 1,6 милиони пати, а 21-годишната девојка тврди дека пожарот настанал од големата топлина, која го загреала металното копче на чантата толку многу што ја запалило ткаенината.
– Чантата ја купив во Примарк во април, не се сеќавам точно колку чинеше, помеѓу 12 и 14 фунти. Ставив шише вода во чантата, но не го ставив во сенка, туку на сонце. Кога се свртев бидејќи бев жедна, видов дека чантата гори – изјавила Ева.
Иако таа смета дека металното копче е причина за пожарот, многумина коментираат дека шишето со вода го предизвикало одразот што го предизвикал пожарот.
– Секоја палета на производи на Примарк е независно тестирана за да се осигура дека се исполнети релевантните стандарди за безбедност и квалитет. Бевме изненадени кога слушнавме за ова и немавме други пријавени случаи, но ако клиентот ни ја врати торбата, со задоволство ќе го истражиме ова дополнително за да разбереме што би можело да се случи – рекоа во Примарк каде е купена торбата.
@evabacchoo AS IF 😩😩😩 #primark #primarkhaul #primarkbag #takeofffestival #malia #greece ♬ original sound – Eva Bacchoo