Околу 8.000 украински борци се воени заробеници на територијата контролирана од проруските сепаратисти во регионите Луганск и Доњецк, тврдат сепаратистите.
Лидерот на т.н Народна Република Луганск Родино Мирошник изјави за руската прорежимска новинска агенција Тас: „Имаме многу затвореници. Се разбира, ги има многу на територијата на Народна Република Доњецк, но имаме и многу од нив. Вкупниот број е околу 8000“.
„Тоа е многу, и буквално стотици нови пристигнуваат секој ден“, додаде тој. Оваа информација не е независно потврдена.