Повеќе од десетина вооружени напаѓачи пукале во хотел во мексиканскиот град Селаја, убивајќи најмалку 11 лица, соопштија официјални лица и локални медиуми. Се сомнева дека напаѓачите се поврзани со нарко картели во Мексико.
Ројтерс јавува дека седум жени и тројца мажи биле убиени на самото место, се вели во соопштението на градските власти во мексиканскиот регион Гуанахуато.
Нападот се случил во областа Вале Хермосо. Портпаролот на државната влада изјави дека две лица се повредени.
Русија ја укинува горната старосна граница за служење воен рок
Пукале и фрлале молотови коктели
Во нападот учествувале околу 15 вооружени лица, пишува мексиканскиот весник „Ел Универзал“. Напаѓачите пукале и фрлале молотови коктели, пишува весникот.
Мексиканската национална гарда, Министерството за одбрана и државните безбедносни сили Гуанахуато трагаат по вооружени мажи, соопштија безбедносните власти.
Веќе неколку години во градот Селаја има зголемено насилство, поврзано со картелот Санта Роса де Лима. Тоа е картел кој е во војна со картелот Халиско.
Службеник од Мариупол: Убиени 22.000 жители – ова е град на духови
Санта Роса главно се занимава со дрога, изнуда и кражба на гориво, а поранешниот водач на картелот Хозе Јепез на почетокот на 2022 година беше осуден на 60 години затвор, пишува Би-Би-Си.
Владините податоци покажуваат дека во регионот Гуанахуато се случиле 993 убиства во првите четири месеци од оваа година.