Мајка која има необична тетоважа на лицето на ТикТок сподели видео во кое ги осудува сите оние луѓе кои и велат и пишуваат дека нејзините деца ќе се срамат од неа еден ден кога ќе пораснат и ќе видат како изгледа нивната мајка.
Александра има тетовирана црна линија на лицето што се протега директно од долната усна надолу по брадата и вратот, што доведува до голема тетоважа на средината на градите, пишува The Sun.
– Од кога мајките не треба да имаат тетоважи? – рече Александра во видеото и покажа среден прст кон камерата, додавајќи дека таа секако е подобар родител и пример за нејзините деца од луѓето кои и пишуваат злобни коментари и ја навредуваат.
Видеото е прегледано повеќе од 390 илјади пати и луѓето не можеа да одолеат да коментираат. „Јас и мојот тинејџер ќе се тетовираме заедно и едвај чекаме и двајцата“, напишала една мајка. – Не разбирам кои се разликите ако родителот има тетоважи, како тоа те прави лош родител – додаде друг корисник.
Но, сепак имаше многу оние кои ја критикуваа и кои не го разбраа изборот на нејзината тетоважа. „Таа тетоважа не те прави кул мајка“, коментира еден корисник, додека друг додаде: „Немам ништо против родителите со тетоважи, но ова е една од најгрдите тетоважи што сум ги видел“.
@alexandrajenssen #fyp#fypage#tattooedmama#tattooedmom#momswithtattoos#tattooedparents#art#artist ♬ Ginseng Strip 2002 – Yung Lean