Референдумот во Белорусија го одобри новиот устав со кој се откажува од својот ненуклеарен статус во време кога поранешната советска република стана почетна точка за инвазијата на руските трупи во Украина, објавија руските новински агенции.
Агенциите ја цитираа Белоруската изборна комисија дека 65,2 отсто од оние што излегле гласале за. Ваквиот резултат беше очекуван со оглед на строго контролираното владеење на претседателот Александар Лукашенко.
Новиот устав дозволува нуклеарно оружје на белоруско тло за прв пат откако земјата се откажа од него по распадот на Советскиот Сојуз, пренесува Хина.
Западот претходно најави дека нема да ги признае резултатите од референдумот кој се одржува поради општата пресметка со белоруската опозиција и противниците на режимот на Лукашенко.
Според активистите за човекови права, во Белорусија во моментов има повеќе од илјада политички затвореници.
Референдумот предизвика антивоени протести во неколку градови. Најмалку 290 лица се приведени, соопштија активисти за човекови права.
Масовните протести избија во 2020 година по спорните избори за кои опозицијата тврди дека биле наместени. Откако Лукашенко започна насилна акција против демонстрантите, протестите во голема мера стивнаа.
СЕ Е ПОДГОТВЕНО: На оваа маса ќе се одржат преговорите меѓу Русија и Украина
Зборувајќи на избирачко место во неделата, Лукашенко рече дека може да побара од Русија да и го врати нуклеарното оружје на Белорусија.
„Ако (Западот) пренесе нуклеарно оружје во Полска или Литванија, до нашите граници, тогаш ќе му се обратам на Путин да го врати нуклеарното оружје што го дадов без никакви услови“, рече Лукашенко.
На снимките и фотографиите објавени на социјалните мрежи, луѓето се собраа на избирачките места во Минск и другите градови за да протестираат.
Новиот устав ги дава сите овластувања на Себелоруското национално собрание, кое се состои од партиски лојалисти на Лукашенко, локални советници, функционери и членови на провладини активистички организации.
Уставот, исто така, му обезбедува на претседателот доживотен имунитет од кривично гонење.
Руски војници го зазедоа Бердањск: Пристигна потврда од кабинетот на Зеленски!