Амбасадорката на Украина во САД, Оксана Маркарова, денеска изјави дека украинскиот претседател Володимир Зеленски „дефинитивно нема да биде дел од делегацијата во преговорите со Русија“.
Таа за Си-Ен-Ен изјави дека украинскиот претседател останува да ја „брани земјата“, го повика рускиот претседател да ја прекине војната и рече дека Украина ќе испрати делегација на преговорите.
Амбасадорот посочи дека Украина е секогаш подготвена за разговори, но дека не е подготвена да се предаде.
– Ќе ја браниме нашата земја и ќе победиме – рече Маркарова.
На прашањето дали мисли дека Русија има искрени намери во преговорите, Маркарова рече дека не се знае колку се искрени преговарачките намери на Москва и нагласи дека „Путин ги ставил силите за одвраќање, вклучително и нуклеарното оружје, во состојба на висока борбена готовност“.
– Тоа е уште еден пример за терористичкото однесување на Русија. Ја нападнаа нашата држава и сееја страв во светот – рече Маркарова.