Наместо да се грижат за лицата со посебни потреби, персоналот во установата „Сестра Розини Ла Груи„ во Кастелбуон, мал град во регионот на Палермо, ги понижувал, тепал, дрогирал, ги држел во самица и ги третирал на најлош можен начин, па дури и ги пуштале сексуално да се злоставуваат едни со други, пишува порталот „Палермо тудеј“.
Поради страшната тортура, италијанските медиуми со денови ја споредуваат оваа институција со нацистичките логори.
Покрај бруталниот третман на пациентите, тие го оштетиле и буџетот за повеќе од 6 милиони евра.
Колку брутално се однесувале кон пациентите покажуваат зборовите на истражната судијка Анџела Ла Пипаро, која рече дека истрагата ја оставила без зборови, а на безмилосен начин им биле прекршени основните права на пациентите.
Истрагата беше покрената во јули минатата година откако проговори еден од вработените во институцијата и оттогаш се констатирани бројни прекршувања на законите, како финансиски, така и оние во сферата на институцијата која се грижи за лица кои не можат да се грижат за себе.
Врз основа на видео снимките, прислушувањето и истрагата, 17 лица се зад решетки, од вкупно 35 кои биле опфатени во истрагата.
Сексуално насилство меѓу хоспитализирани пациенти
Камерите поставени од Одделот за финансии, кој прво се обврзал да ја истражи работата на институцијата, снимиле сексуална злоупотреба на постар пациент над помлад, при што може да се види како ги покажува своите гениталии и малтретира друга штитеничка.
Вакви инциденти имало неколку пати, во некои случаи и пред очите на вработените, кои не презеле ништо.
Гушење со ракавица
Во еден случај, на 20 март минатата година, еден од корисниците на установата дури завршил во болница бидејќи голтнал ракавица од латекс, која ја извадил еден од уапсените вработени.
Несреќниот пациент морал да оди на интервенција за отстранување на туѓ предмет од телото.
Пациентите, од кои 23, биле третирани на најлош можен начин, биле затворани, дозволени да уринираат и вршат нужда во долна облека или на подот во самицата, каде што биле затворани и вербално понижувани под секоја граница на човечкото достоинство и дрогирани со силни седативи за да бидат мирни и поспани.
Како дошло до истрагата?
Истрагата е покрената по претставка на поранешниот медицински директор, која се појавила на 17 јули минатата година, а во која се посочуваат не само наводните неправилности од административна и сметководствена гледна точка, туку и наводните злоупотреби и услови на драматични настани поврзани со 23корисници, сите кои страдаат од физички пречки и ментални нарушувања.
„Ви одговара пациентите да спијат ноќе, но ниту јас, ниту докторот не треба да бараме ниту еден пациент да спие 15 часа. Ми остави впечаток, ми изгледаше како мртовец што оди, некаков леш што оди, зомби. Премногу е слаб, премногу тенок, премногу блед, не може да стои на нозе, ужасно е слаб…“ им кажал еднаш операторот на претпоставените“, пишува Палермо Тудеј.
Сними на хорор и ужас
Како што покажале снимките, вработените ги принудувале пациентите да ја изберат казната „кога ќе згрешат“, а таа често се однесувала на престој во „собата за релаксација“, која всушност била ненаместена самица од 10 метри квадратни, каде што пациентите се сместувале секојдневно.
Подоцна внатре бил фрлен уште еден пациент, по што започнале судири, бидејќи измачените луѓе се тепале за кошулите.
За време на пресметката, несреќните луѓе ја удирале главата од ѕидовите. Тогаш персоналот ќе стапнел на сцената, подгревајќи ја кавгата со коментарот „како никој не може да спие поради нив двајца“.
Кулминацијата на суровоста се видела во примерот на една девојка која молела да оди во тоалет. Имено, таа со раце тропнала на вратата и го молела еден од обвинетите да ја пушти, дека уринирала во долна облека, дека е гола, колку и е ладно и дека мора да оди во тоалет поради голема итност.
„Уринирав во долна облека… се умочав, отвори ми, те молам отвори ми ја, ладно ми е, гола сум. Морам да одам во тоалет, морам да одам во тоалет, “, викала несреќната девојка.
Во истрагата осомничени се 35 лица од непрофитабилната организација, од кои 14 се зад решетки.
Тие се товарат за следните дела; тортура, малтретирање, киднапирање, корупција, тешка измама за добивање јавни средства, проневера и измами при јавни набавки.
Споменатата сума е дури 6,2 милиони евра, кои организацијата успеала да ги извлече за речиси пет години постоење од 2018 година.
Штитениците, од кои дваесет и три на возраст од 29 до 63 години, од кои 17 мажи и 6 жени, вчера се пренесени во други соодветни објекти.