Општина Куманово информира дека активно се работи на реконструкција на училишната зграда во СОУ Гимназија Гоце Делчев во Куманово.
„Продолжуваат инвестициите во училиштата. Се поставува нова енергетско ефикасна фасада и се врши замена на покривната површина и поставување на нова изолација. Се врши реконструкција во училишната спортска сала каде се поставува нова гумирана подлога, а следува и обнова на ѕидни површини
и спортските реквизити. Во училниците се врши молерисување и поставување на ново ЛЕД осветлување. Извршена е замена на старите прозорци во училниците, училишните ходници и административни простории со нови прозорци со термопан стакла. И покрај зафатот непречено се изведува наставата во училишниот објект кој е изграден во средината на 40-тите години од минатиот век“, рече градоначалникот на општина Куманово Максим Димитриевски.
