Мекдоналдс наскоро ќе го лансира својот прв вегански бургер во Велика Британија по тригодишно истражување и развој.
Долгоочекуваниот Мекплант има плескавица од зеленчук развиена во соработка со Beyond Meat.
Компанијата им ветува на клиентите веганско сирење базирано на протеин од грашок кој „има вкус како на познатите парчиња сирење Мекдоналдс“.
Ќе се сервира во веганско пециво од сусам со вегански сос, зелена салата, кромид, домат, кисели краставички, кечап и сенф.
Новиот хамбургер, кој ќе чини 3,49 фунти, ќе биде понуден во десет ресторани на Мекдоналдс во Ковентри од 29 септември, пред да биде проширен на дополнителни 250 ресторани во Велика Британија од 13 октомври.
МекПлент ќе биде подготвуван одделно од другите производи на Мекдоналдс користејќи специјални садови за готвење. Хамбургерот е сертифициран од Вегетаријанското друштво и содржи 429 калории.
Мишел Греам-Клер, главен маркетинг директор во Мекдоналдс во Обединетото Кралство и Ирска рече дека е големо задоволство конечно да се лансира Мекплант во Велика Британија и Ирска.
That’s right, the #McPlant is coming to the UK 🙌
Vegan approved by the @VegSoc with a patty co-produced by @BeyondMeat.
The countdown to 13th October begins! 🌱 pic.twitter.com/JJZDpOegBi
— McDonald’s UK (@McDonaldsUK) September 9, 2021