Четворица осомничени се убиени, а двајца се уапсени по атентатот врз претседателот на Хаити, Жовенел Моиз, соопшти полицијата во средата вечерта.
Тројцата полицајци биле привремено уапсени, но во меѓувреме ослободени, изјави полицискиот командант Леон Чарлс во една телевизиска емисија.
Нема објавени повеќе детали за потрагата по напаѓачите.
Моиз беше убиен во средата вечерта во напад врз неговата резиденција во близина на главниот град Порт-о-Пренс.
Група неидентификувани лица, од кои некои зборуваат шпански и англиски јазик, го нападнале неговиот дом и го застрелале Моис.
Неговата сопруга Мартина беше сериозно повредена во атентатот и беше пренесена во болница во Мајами, изјави амбасадорот на Хаити во САД, Бокит Едмонд, за меѓународните медиуми.
Амбасадата на Хаити во Вашингтон го опиша убиството на Моиз како „добро координиран напад од високо обучена и тешко вооружена група“.
Амбасадата го нарече 53-годишниот претседател, кој критичарите го сметаа за автократ, „вистински државник“ посветен на унапредување на демократската транзиција на нашата земја и борба против корупцијата. Амбасадата соопшти дека Моиз „починал бранејќи ја демократијата“.
Во критична состојба сопругата на убиениот претседател на Хаити
Локалните медиуми објавија дека напаѓачите се претставувале како офицери на Управата за борба против дрога на САД (ДЕА). Извештаите за вмешаност во ДЕА беа „апсолутно лажни“, изјави портпаролот на американскиот Стејт департмент Нед Прајс.
Хаити со години е во длабока политичка криза, а протестите против власта на Моиз ја парализираа земјата.
Моиз управуваше со земјата со декрет, бидејќи неговата администрација не успеа да одржи парламентарни избори во октомври 2019 година. Хаити нема парламент од почетокот на новиот законодавен мандат во јануари 2020 година.
Привремениот премиер Клод Џозеф претходно го осуди атентатот како „нехуман и варварски чин“ и рече дека безбедносните сили ја имаат ситуацијата под контрола и ги повика жителите да останат смирени. „Демократијата и републиката ќе победат“, рече тој.
Советот за безбедност на ОН го осуди убиството на хаитскиот претседател
Претседателските и парламентарните избори во земјата, како и уставниот референдум, сега се закажани за 26 септември.
Сè уште не е познато кој ќе го наследи Моис на претседателската функција, ниту кој ќе ја преземе власта.