Порнтип Раскасил ја косел тревата зад куќата за да засади банани.
54-годишникот од Чонбури, Тајланд, тогаш видел огромна змија како се провлекува низ лисјата, пишува Патаја Њуз.
Порнтип ги повикал соседите да му помогнат да ја фати џиновската змија, а потфатот бил снимен на камера.
Шест лица едвај го извлекле питонот од дупката во која се обидувал да се вовлече целиот.
Потоа го ставија во кафез и го повикаа друштвото за заштита на животните, кое го однесе во шума далеку од селото. Питонот е тежок 100 килограми и е долг шест метри, а Порнтип тврди дека го видел пред тој ден.
„Го видов и пред три дена, но тој замина пред да успеам да го фатам“, рече тој. „Го однесоа во шумата, но неговиот партнер сè уште е таму некаде затоа што го фативме во гнездото и тие доаѓаат само тука за да се парат“, додаде тој.