Јаел Шелбија (19) неодамна беше прогласена за победничка на годишната листа „100 најубави лица на годината“ на ТЦ Кендлер, натпревар што стана популарен откако манекенката Тилејн Блондо се нашла на првото место на само шест години, пишува „Дејли меил“.
Натпреварот е основан од филмскиот критичар ТЦ Кендлер во 1990 година и оттогаш се смета за еден од најразновидните избори за убавина.
Јаел пораснала во мал град во северен Израел во големо еврејско семејство. Таа започнала да се занимава со моделинг на 16-годишна возраст, откако локален фотограф ги забележал нејзините кадри на Инстаграм и ја замолил да учествува во фотосесијата.
Во времето на освојувањето на признанието, Јаел служела задолжителна воена служба во израелските воздухопловни сили.
Таа веќе неколку пати беше на оваа листа – во 2017 година на 14-то место, во 2018 година на трето место, во 2019 година на второ место и во 2020 година конечно го освои самиот врв на ВТА-листата.
Иако беше прогласена за најубава жена на годината, Јаел открива дека многумина не го делат ова мислење и дека таа често се исмејуваат на социјалните мрежи.
– Добив голема количина поддршка и љубов, но и пораки кои не беа позитивни. Тие напишаа типични работи што секој ги кажува кога мрази некого, ништо не вреди за моето внимание. Моето момче, Брендон (36) е задоволен од мојот изглед, така што не ми е грижа што мислат другите“, рече Јаел.
Јаел тврди дека била изненадена кога ја освоила титулата бидејќи не знаела дека учествува на натпреварот, но дека тоа е многу возбудливо достигнување.
Додава дека наградата пристигнала во вистинско време, по предизвикувачката година поради пандемијата, Јаел инсистирала на тоа дека „сите жени се убави“.
– Мислам дека она што ја прави една личност убава е да биде љубезна, скромна и пред се позитивна. Кога сте добри, тоа навистина се гледа во вашите очи и вашите очи никогаш не лажат – додаде таа.