Норвешката премиерка Ерна Солберг апелираше на граѓаните да избегнуваат патувања низ земјата и да останат дома колку е можно повеќе, согласно новите препораки и рестриктивни мерки воведени минатата недела, кои имаат за цел да го спречат ширењето на коронавирусот.
Бројот на новите случаи на зараза се зголемил во повеќе делови на Норвешка, а минатата недела е регистриран рекорден број на новозаразени во еден ден.
Премиерката предупреди дека епидемиолошката ситуација во земјата е многу сериозна. Таа истакна дека нема доволно време за чекање за да се утврди дали воведените мерки минатата недела се доволни за спречување на порастот на бројот на новозаболени.
Солберг изјави пред пратениците дека многу земји кои ги заостриле рестриктивните мерки биле принудени подоцна да воведат мерки на карантин, додавајќи дека Владата на Норвешка се подготвува да воведе нови рестрикции доколку се покаже дека тоа е неопходно да се спречи колапс на здравствениот систем.
Габриела Точко