Претседателот на САД, Доналд Трамп изјави дека ќе преземе законски мерки во врска со пребројувањето на гласачките ливчиња за претстојните претседателски избори, што ќе пристигнат по пошта или електронска пошта во сојузната држава Пенсилванија.
Според американски медиуми, Трамп тоа им го изјавил на новинарите во Шарлот, Северна Каролина, каде беше вчера, како дел од турнејата низ државите што може да бидат клучни за резултатите од изборите, вклучувајќи ги Мичиген, Висконсин и Ајова.
Американскиот претседател во неколку наврати го нападна Врховниот суд во последните неколку дена затоа што не забрани броење на гласачките ливчиња што пристигнуваат неколку дена по денот на изборите на 3 ноември.
Тој претходно изјави во Дибикју, Ајова, дека очекува „црвен (републикански) бран“ на гласови на изборите на 3 ноември, со цел да се компензира, како што се проценува, предноста што ја доби неговиот демократски противник при гласањето пред денот на изборите.
На крајот од кампањата, Трамп се обидува да одржи 10 митинзи за два дена со цел во т.н. свинг држави (во кои е неизвесно кога ќе гласаат) да ги охрабри своите приврзаници да излезат на гласање во што поголем број.
Златко Шумковски