Работник од Старбакс, кој бил јавно прозван од клиентка, откако ја замолил да стави маска на лицето, доби бакшиш од скоро 80.000 американски долари, откако видеото во кое тој беше критикуван, стана вирално.
Ленин Гутиерез (24) бил на смена во Старбакс во Сан Диего кога една жена без маска влегла во барот.
Гутиерез ја прашал дали има маска за лице, но пред да може да ги покаже упатствата на неговата компанија кспоред кои се бара од клиентите да носат маски, жената го нападнала, а потоа и фотографирала, рече тој.
„Запознајте го Ленин од Старбакс, кој одби да ме послужи затоа што не носам маска. Следниот пат ќе чекам полиција и ќе донесам здравствен сертификат“, напишала клиентката коментар со фотографија од младиот човек.
https://www.facebook.com/photo.php?fbid=10157012080296949&set=a.489397301948&type=3
Наместо својата цел, објавата на клиентката, за неа сигурно, предизвика неочекувани реакции – голем бакшиш за младиот човек.
Гест што му го смени животот
Многу луѓе пружија поддршка на Гутиерез на социјалните мрежи, а некои рекоа дека би сакале да го посетат кафулето каде што работи и да му дадат посебен бакшиш.
Меѓу оние кои беа погодени од објавата беше Мет Кован, 26-годишник, кој лично не го познава Гутиерез, но бил вознемирен што е „малтретиран затоа што ја прави вистинската работа“.
Затоа, тој реши да започне GoFundMe, кој го нарече „Бакшиш за Ленин“, со цел да им даде можност на сите што сакаат да го почестат Гутиерез да го направат тоа виртуелно.
„Луѓето не ве прашуваат многу, тие бараат од вас да носите маска за своја корист и безбедноста на другите. Старбакс утврди и други начини да се напиете кафе ако не ви е пријатно да носите маска“, рече Кован.
Оригиналната цел на кампањата беше да се соберат 1.000 американски долари, но за една недела илјадници луѓе донираа скоро 100 000 долари.
Животот на младиот Гутиерез се смени во еден момент. Тој рече дека е збунет и дека му е чест што добил толку голема поддршка и љубов и дека ќе ги искористи парите за да ги оствари своите танцувачки соништа.