Во последните неколку месеци китовите беа снимаени неколку пати во Далмација, а последниот беше забележан во текот на изминатите денови околу Пелешац, јавуваат хрватските медиуми.
Китот бил снимен во близина на Пелешац во неделата наутро во неколку наврати, кога се претпоставува дека заскитал и се обидувал да најде излез до отвореното море.
Насукувањето на китовите долго ги збунуваше научниците, а сега е откриена главната причина
„Тој дојде од исток. Бил виден во Дингаш, Подобуќ, а потоа се појавил на околу 400 метри пред заливот Пратеница во Поступ“, рекол мажот кој успеал да направи неколку фотограии.
Врз основа на снимките, експертите утврдиле дека станува збор за кит, ист вид што бил забележан околу Вис за време на пролетта. Пред две години, телото на мртвиот кит е пронајдено во околината на Ложињ.
Китот перајар (лат. Balaenoptera physalus) е најблизок роднина на синиот кит и е веднаш зад него по големина. Во просек, тие се долги околу 20 метри, горната страна на неговото тело е сиво-кафеава, а стомакот е бел. Најлесно е да се препознае по асиметрична боја на долната вилица, каде што десната страна е бела, а левата страна е темна.
Акробатска точка на китови која воодушевува (ВИДЕО)
Перајарите пливаат побрзо и подлабоко од повеќето други големи китови. Тие живеат во сите светски океани. Тие обично ги поминуваат летата во поларни или умерено ладни води, а во зима се префрлаат на умерено топло и тропско море.
Поради нивната брзина и големина, до крајот на 19 век, луѓето ретко успеале да уловат ваков кит. Меѓутоа, како што се развивале средствата за лов и едрење, луѓето почнале да ловат, така што овој вид кит исто така станал загрозен.