Во последно време во Москва е забележана наезда од ракуни, од кои 10 веќе се наоѓаат во центарот за рехабилитација на дивиот свет, изјави Сергеј Бурмистров, шеф на одделот за животна средина.
„Уште во 2016 година, велев дека доаѓаат ракуни. Тие беа популарни кај луѓето, беа во зоолошки градини, а ние честопати ги гледавме во домовите како миленичиња. Тие се убави, но всушност, освен нивниот изглед, немаат со што да се фалат. Тие се прилично агресивни животни и не можат да бидат специјално обучени“, рече тој.
Наезда од полжави во Москва (ФОТО)
Бурмистров додаде дека поради нивната физиономија овие животни имаат пристап до сè што е во куќата, така што можат лесно да излезат преку отворен прозорец.
„Ракуните се љубопитни и затоа сакаат да се качуваат на дрвја, таму се чувствуваат удобно. Искачувањето на дрво е нивно омилено хоби“, рече првиот човек на одделот.
На социјалните мрежи се појави видео, на кое се гледаат спасувачите како спуштаат ракун од високо дрво.
Лебарките стануваат поотпорни на отровите, ризик од нивна масовна наезда
Според него, ракуните потекнуваат од Америка, руската територија за нив е непозната, но во последните десет години тие се повеќе се среќаваат во шумите во јужна Русија.
Ракуните не можат да ја преживеат руската зима во шумата, така што овие снаодливи животни во градот секогаш наоѓаат топол подрум каде можат да живеат.
Бурмистров објасни дека во случај на средба со ракун не смее да „паднете“ на неговиот изглед, затоа што, како што вели, тоа е опасно животно, кое може да предизвика длабоки каснувања.
Наезда од отровни видови пајаци во Европа
„Однесувањето треба да биде исто како и со кучињата скитници. Не треба да се пристапи или да се испровоцира. Дури и кога му е обезбедена храна, ако не е доволно, тој може да тргне кон џебот и да го гризе човекот ако се обиде да го сопре“, рече Бурмистрив.
Тој додаде дека ракунот сè уште може да биде домашно милениче и дека не е на списокот на животни кои не смеат да бидат во сопственост на поединци.
По рехабилитацијата во Центарот, ракуните ќе бидат испратени во зоолошки градини.