Дејвид Бенет, 57-годишен маж со срцева болест опасна по живот, добил срце од генетски модифицирана свиња, револуционерна процедура која им нуди надеж на стотици илјади пациенти на кои им се потребни органи.
Ова е прва успешна трансплантација на свинско срце во човечко тело, објави „Њујорк тајмс“.
Осумчасовната операција е извршена во петокот во Балтимор, а пациентот Дејвид Бенет постариот од Мериленд се чувствува добро, соопштија хирурзите од Медицинскиот центар на Универзитетот во Мериленд.
„Тоа создава пулс, создава притисок, тоа е неговото срце“, рече д-р Бартли Грифит, директор на програмата за трансплантација на срце во медицинскиот центар, кој ја изврши операцијата. „Тоа функционира и изгледа нормално. Воодушевени сме, но не знаеме што ќе ни донесе утре. Ова никогаш досега не било направено“, велат тие.
Минатата година, околу 41.354 Американци добиле трансплантација на органи, од кои повеќе од половина добиле бубрег, според Обединетата мрежа за споделување органи, непрофитна организација која ги координира напорите за набавка на органи во САД.
Сепак, има сериозен недостиг на органи и секој ден умираат по десетина луѓе од списоците, пишува „Њујорк тајмс“.
Околу 3.817 Американци добија донаторски срца минатата година, повеќе од кога било досега, но потенцијалната побарувачка е сè уште поголема. Научниците работеа трескавично на развојот на свињи чии органи човечкото тело не би ги отфрлило во изминатата деценија, со нови технологии за уредување и клонирање на гени.
Трансплантацијата на срце се случи само неколку месеци откако хирурзите во Њујорк успешно го прикачија бубрегот на генетски модифицирана свиња на лице мртво мозочно.
Истражувачите се надеваат дека ваквите постапки ќе започнат нова ера во медицината во иднина, кога ќе има доволно органи за повеќе од половина милион Американци кои чекаат бубрези и други органи.