Времето денеска во Македонија ќе биде сончево и многу топло со слаб до умерен ветер претежно од западен правец.
Минималната температура ќе биде во интервал од 14 до 23, а максималната од 35 до 43 степени.
УВ индексот ќе биде многу висок со коефициент 9.
Во Куманово и околината денеска ќе имаме сончево и многу топло време. Температурите ќе се движат од 23 степени во утринските часови, до максимални 41 во текот на денот.
Како што додаваат од УХМР, продолжува периодот на стабилно и многу топло време со натпросечни температури за овој период од годината. Максималните температурни вредности вдолж Повардарието за 2 до 3 степени ќе го надминуваат 40-иот степен.
И во наредните денови насекаде ќе биде активирано портокалово ниво на опасност од високи температури.
Никола Ивановски