Претставник на турското Министерство за одбрана објави дека околу 40.000 сириски бегалци се вратиле од Турција во нивната земја по разорниот земјотрес на 6 февруари и истакна дека нивниот број сè уште расте.
Враќањето на сириските бегалци е забележано и на граничните премини меѓу Турција и Сирија, кои се под контрола на опозициските сили во Сирија, потврди функционерот на сириските бунтовници Мазен Алуш на граничниот премин Баб Ал Хава.
По разорниот земјотрес, Анкара им дозволи на бегалците од Сирија кои живеат во Турција да поминат шест месеци во северозападна Сирија, без ризик да не можат да се вратат во Турција.
Во април минатата година турската влада им забрани на сириските бегалци кои одат во Сирија да се вратат во Турција.
Доколку Сиријците, според тогаш важечките правила, патуваат од Турција во својата земја, ќе го изгубат статусот на привремено заштитено лице во Турција и нема да можат да се вратат во оваа земја.
Во Турција живеат околу 3,5 милиони бегалци од Сирија.