4 симптоми на рак на тироидната жлезда

Сезонските профилактички прегледи поврзани со женското здравје, вклучуваат претежно гинеколошки следења, како и мамограм на млечна жлезда со цел превенција на едни од најчестите видови рак.

Често, сепак жените го превидуваат ракот на тироидната жлезда , а проблемите со овој мал, но така важен орган во нашето тело, се зголемија неколкукратно од 70-тите години на минатиот век до денес, покажуваат истражувањата.

Многу жени се изложени на ризик, без да се сомневаат, бидејќи симптомите на рак на тироидната жлезда исклучуваат болка во почетните стадиуми.

12 знаци дека имате проблем со тироидната жлезда

Дијагнозата рак звучи страшно, но при редовни прегледи нема повод за паника, смета професор Илја Лихтеров, специјалист по оториноларингологија во Медицинската школа во Mount Sinai, Њујорк.

“Иако е факт дека случаите на рак на тироидната жлезда се зачестени во последните децении, обично станува збор за папиларен тип рак, кој е меѓу најслабо агресивните” , вели доцент Лихтеров пред  prevention.com .

Тој објаснува дека успешноста во лекувањето е многу добра, особено кога болеста е дијагностицирана навреме. Ова не значи сепак дека редовните прегледи кај ендокринолог треба да се запостават, напротив.

Кои се можните симптоми кај рак на тироидната жлезда ?

Грутка во вратот 

Тироидната жлезда се наоѓа токму во предниот дел на вратот. Ако во оваа област или околу неа се појави грутка, дури и мала, која не исчезнува сама по себе, веднаш треба да се прегледате кај специјалист. Ако ракот се проширил кон лимфните јазли постои посериозен ризик за здравјето. Превенцијата и редовните прегледи се од огромно значење.

Тешкотии при голтање

Туморската маса, растечка во тироидната жлезда може да почне да го попречува нормалното голтање. Ако проблемот не исчезне за неколку недели, веднаш одете на лекар. Инаку е можно да доживуваме познати тешкотии при голтање, ако сте преболедували инфекција на горните дишни патишта. Пратете го статусот и надгледувајте го секој симптом.

Промени во гласот

Гласните жици се наоѓаат веднаш над тироидната жлезда. Затоа при растечка туморска маса во жлездата која влијае и на околните ткива, е можно да се појават пречки и промени во гласот, вели уште доцент Лихтеров. Можно е гласот да стане рапав, пресипнат или да се губи на моменти.

Знаци за дефицит на цинк во организмот

Пречки во зборувањето, хранењето и дишењето

Овие симптоми се карактеристични за понапреден стадиум на болеста, но за жал некои луѓе разбираат за туморот токму тогаш. Во овие случаи се наметнува итна хируршка интервенција.

Кај најмалите сомнежи за проблем поврзан со тироидната жлезда консултирајте се со лекар. Не брзајте да се самолекувате и не чекајте проблемот да исчезне сам, бидејќи тоа може да ве чини многу.