Вкупно 15 литри на метар квадратен дожд падна во текот на изминатите 24 часа, согласно мерењата на Управата за хидрометеоролошки работи извршени заклучно 8 часот утринава.
Најмногу или, 39 литри наврнале во Демир Капија, а најмалку во Штип, само 2 литри на метар квадратен.
Утринава времето е облачно во поголем дел од земјава има врнежи од дожд, локално поројни и проследени со грмежи. Во утринскиве часови поинтензивни процеси има во југоисточните делови од земјава и северните делови од Пелагонија.
Облачно и значително посвежо, во поголем дел од земјава со врнежи од дожд, ќе биде и во текот на денот, а локално се очекуваат поројни дождови проследени со грмежи и засилен северен ветер.
Локално се можни и поинтензивни процеси во форма на невреме, како и пообилни врнежи од дожд (над 20л/м 2 ).
Кон крајот на денот врнежите на места ќе престанат. Максималните температури ќе сед вижат од 21 до 28 степени.
Во Куманово и околината денеска ќе имаме облачно и врнежливо време, а максималната дневна температура се очекува да достигне до 22 степени.
Утре ќе продолжи да дува засилен северен ветер, а локално се уште ќе има повремен слаб дожд. Од среда времето ќе се стабилизира, а дневната температура ќе биде во пораст.