Тринаесет литри дожд на метар квадратен до утринава до осум часот наврнаа во Куманово, покажуваат податоците на Управата за хидрометеоролошки работи.
Повеќе дожд имало само во Берово 18, Пожаране 15 и Крушево со 14 литри на метар квадратен.
Кумановци утринава се разбудија на температура од 9 степени целзиусови.
Во текот на денот во Куманово и околината ќе имаме облачно време со врнежи од дожд, кои ќе траат и во вечерните часови. Максималната дневна температура денеска ќе достигне 11 степени целзиусови.
Слично време во Куманово ќе имаме и утре и во четврток, кога температурите ќе бидат скоро непроменети, а дождот и натаму ќе паѓа.
Стабилизирање на состојбата ќе има во петок кога ќе има и благ пораст на дневната температура на 18 степени.
За претстојниот викенд во сабота ќе имаме сончево до умерено облачно време со максимална температура од 21 степен, а во недела од 19 степени.
На ниво на државата, времето денеска ќе биде облачно со врнежи од дожд, кои повремено ќе бидат пообилни, на места (над 25 л/м 2 ).
Локално врнежите ќе бидат во форма на невреме со силен ветер (над 70 км/час). Во текот на денот ќе дува засилен југоисточен ветер.
Максималната температура ќе биде во интервал од 9 до 13 степени.
Никола Ивановски