Таканаречените „ зомби ножеви“ и мачети ќе бидат забранети во Англија и Велс од септември, објави британската влада.
Ова значи дека нивното поседување, продажба, производство или транспорт ќе биде забрането, со цел да се олесни загриженоста за порастот на криминалот со нож.
Законот ќе биде претставен во парламентот во четврток, соопшти Министерството за внатрешни работи, со програма за предавање планирана во текот на летото за да им се даде шанса на луѓето кои имаат такви ножеви доброволно да ги предадат.
Актерот Идрис Елба започна кампања против криминалот со ножеви во Британија овој месец, повикувајќи на забрана за мачети и зомби ножеви кои имаат сечила инспирирани од филмовите за зомби.
Фаталните престрелки се ретки во Британија, но убиствата со нож се во пораст во последните децении.
До јуни 2023 година, 247 луѓе ги загубиле животите како резултат на убоди или ранувања, покажуваат официјалните бројки, а многу од оние што починале биле тинејџери или во раните 20-ти години.
Во 1977 година, во Англија и Велс имало 135 убиства со остри предмети, вклучително и ножеви и скршени шишиња, покажа парламентарна истрага.
Според извештајот, ова претставувало 33 отсто од сите убиства. До 2021/2022 година. Убиствата со нож се искачија на 282 и сочинуваат 41 отсто од сите убиства.
„Злосторството со нож продолжува да одзема скапоцени животи и јас сум решен да ставам крај на ова бесмислено насилство“, рече министерот за внатрешни работи Џејмс Клеверли.