Еден златен и еден бронзен медал освоија борците на Кик-бокс клубот Куманово 2006 кои викендов учествуваа на Државното првенство во кик бокс во Скопје.
Златен медал и државен првак во јуниорска конкуренција е Лука Велковски кој се натпреваруваше во дисциплината кик-лоу во категоријата +91кг.
Марко Бошковски освои бронзен медал во дисциплината кик лајт во категорија до -69 килограми.
На натпреварот учествуваше и Јован Велковски кој во сениорска конкуренција стигнд до четвртфиналето каде загуби на поени.
– Ова државно првенство беше најмасовно досега со преку 250 натпреварувачи од многу клубови од државата, така да сум задоволен од резултатот и очекувам успех и во претстојната натпреварувачка сезона, изјави тренерот на клубот Сашо Илиевски.
Инаку првенството се одржа во организација на Кик-бокс федерацијата на Македонија во недела во спортската сала „Борис Трајковски“ во Скопје.
Никола Ивановски