Украинците ја нападнаа Русија со беспилотни летала во текот на ноќта.
Пожар избувна во складиште за нафта во регионот Тамбов, додека резервоарите за гориво беа оштетени во регионот Воронеж.
Евгениј Первишов, гувернерот на регионот Тамбов, објави дека делови од дронот паднале врз зграда во населбата Дмитриевка, предизвикувајќи пожар во складиште за нафта.
Первишов не ги спомена жртвите, но потврди дека пожарникарите и полицијата се испратени на местото на настанот.
Властите во регионот Воронеж, исто така, објавија за напад со беспилотни летала и последователна штета.
„Четири беспилотни летала беа откриени и уништени во воздухот над Воронеж и два округа од регионот. Немаше жртви. Неколку резервоари за гориво претрпеа помала штета како резултат на соборениот дрон во еден округ. Немаше пожари“, рече Александар Гусев, гувернер на регионот Воронеж.
Украинските и руските канали на Телеграм објавуваат снимки на кои се гледа експлозија и пожар во регионот Тамбов.
Руското Министерство за одбрана објави дека неговите системи за воздушна одбрана пресретнале и уништиле 102 украински беспилотни летала.
Наводно, 26 беспилотни летала биле соборени над Белгородската област, 22 над Брјанската област, 21 над Курската област, 16 над Ростовската област, 7 над Астраханската област, 6 над Саратовската област и 4 над Воронежската област.
Украина редовно ги напаѓа нафтените постројки во Русија за да ја наруши руската воена логистика и снабдување, но и еден од клучните извори на приходи што ги финансираат воените напори на Кремљ.
Russian Telegram channels report a drone attack on oil depots in Tambov and Voronezh regions of Russia last night.
In Tambov, the airspace was closed for almost the entire night. The “Cover” emergency airspace-closure protocol was also activated at airports in Russia’s Oryol,… pic.twitter.com/Dp5VyUtg4M
— Anton Gerashchenko (@Gerashchenko_en) December 3, 2025