Зголемен бројот на заболени од грип во кумановско

Сезонскиот грип почна да зема замав. Амбулантите се полни со пациенти а гужва има и на Клиниката за Инфективни болести. Од почетокот на сезоната досега во Институтот за јавно здравје регистрирале 1250 заболени. Изминатата недела лабораториски е потврдено дека во земјата циркулира АХ3Н2. На удар е школската популација и децата во градинките. Епидемиолозите не очекуваат драстично зголемување на бројот на заболени.

Веќе сме во сезоната кога може да се каже дека има заболени. Но ако направиме споредба со минатата година, но и тие претходно, мислам дека ќе имаме нормална сезона без некои отскокнувања. почнавме со поголем број, но потоа има смирување на бројот на заболени, вели Гордана Кузмановска, од Институтот за јавно здравје.

Најголем број на заболени има во Тетово и Куманово, а Берово, Пехчево, Делчево и уште 5 градови не пријавиле ниту еден случај со грип. Според епидемиолозите никогаш не може да се предвиди дали вирусот ќе мутира. Но не очекуваат пандемија каква што имавме во 2009-та година.

Вирусот на грип е таков што не може да се каже дали и кога може да мутира. Но обично такви поголеми форми се случуваат на 50-60 години, така да не очекувам дека може да дојде до такво нешто – вели Кузмановска.

Најдобрата заштита од грип е вакцинацијата, и во земјата според податоците на ИЈЗ се потрошени 99,8 проценти од набавените вакцини.

Преземено од Сител