Украина досега ослободила 934 населени места од руската армија, а животот во оваа област постепено се нормализира, изјави доцна во средата претседателот на таа земја, Володимир Зеленски, пренесува Анадолија.
– Веќе се ослободени 934 населени места. Полицијата продолжи со работа во 435 населени места. Локалната самоуправа започна со работа во 431 заедница. Работата на хуманитарни штабови е започната во 361 населено место – рече Зеленски во обраќањето до нацијата.
Некои земји го напуштија состанокот на Г-20 поради присуството на руски претставник
Украинската влада постепено го обновува пристапот на луѓето до медицинските и образовните услуги и телата за социјална заштита, додаде тој.
Осврнувајќи сѐ на неговиот состанок со претседателот на Европскиот совет Шарл Мишел во понеделникот во главниот град на Украина, Киев, Зеленски рече дека тој бил сеопфатен и продуктивен.
Тој истакна дека разговарале за теми како што се процесот за членство во Европската унија (ЕУ), конкретните чекори на ЕУ за помош на Украина, особено во однос на одбраната, финансиите и санкциите, како и подготовката на неопходните чекори за обнова на Украина.
Бегалците од Украина во Берлин од утре можат да сведочат за злосторствата
Зајакнување на санкциите
– Ова е историски момент кога можеме да развиеме максимална брзина во влезот во Европската унија. „Веќе докажавме дека украинските државни и јавни институции се доволно ефикасни за да го издржат дури и тестот на војната“, рече Зеленски.
Тој, исто така, објави дека Украина објавила план за зајакнување на санкциите против Руската Федерација, додавајќи дека „обезбедува ограничувања на руската енергија и банкарство, банкарство, извозно-увозни операции, транспорт“.