Украинскиот претседател Володимир Зеленски изјави дека новите западни санкции против Русија „не одат доволно далеку“ и дека „инвазивните сили ќе ги сметаат за дозвола за напад“, додека стравувањата од напад на руските сили на истокот од земјата растат.
САД, Обединетото Кралство и Европската унија објавија пакет нови санкции насочени кон руските банки и руската елита.
Мерките на САД вклучуваат забрана за инвестиции во Русија, како и санкции против ќерките на рускиот претседател Владимир Путин.
Санкциите на ЕУ вклучуваат забрана за увоз на јаглен и ограничувања кои ќе бидат наметнати на банките.
„Овие санкции изгледаат спектакуларно. Но, тоа не е доволно“, рече Зеленски во своето обраќање доцна синоќа. „Ако нема навистина болни санкции и ако нема залихи на оружје, Русија ќе го смета за дозвола, дозвола за напад“, рече Зеленски, повикувајќи го Западот да ја отфрли руската нафта и да воведе целосна блокада на руските банки во меѓународен финансиски систем.
Украина објави разговори: Русите се жалат дека се совладани и дека мора да пукаат во цивили
Гардијан пишува дека Зеленски исто така без приложени докази рекол дека руските војници сега се обидуваат да ги прикријат злосторствата во Украина.
Фотографиите на цивили убиени на улиците на Буча оваа недела предизвикаа меѓународна осуда и повици на руските сили да им се суди за воени злосторства.
Генералното собрание на ОН денеска ќе гласа дали да ја суспендира Русија од телото на ОН за човекови права по откритието во Буча.
Русија ја отфрла одговорноста и тврди дека фотографиите се лажни или дека цивили биле убиени по повлекувањето на нејзините сили.
Сепак, сателитските снимки покажуваат дека телата лежеле на улиците на Буча со денови пред руските војници да го напуштат градот.
„Учеството на Русија во Советот за човекови права е фарса“, рече оваа недела американската амбасадорка Линда Томас-Гринфилд.