Транзицијата на Соединетите Американски Држави кон дипломатија во воениот конфликт околу Иран и прекинот на огнот создаваат дополнителни можности за завршување на конфликтот и зајакнување на безбедноста, изјави претседателот на Украина Володимир Зеленски и додаде дека Киев од самиот почеток следел сличен пристап во војната на Русија против Украина.
„Соединетите Американски Држави се префрлија на дипломатско решение за ситуацијата околу Иран, а светот го поддржува тоа. Прекинот на огнот секогаш додава можности за дипломатија и треба да претходи на самиот крај на војната“, рече Зеленски на Телеграм во среда вечерта.
Зеленски нагласи дека Киев од самиот почеток имал сличен пристап во војната на Русија против Украина, пренесува Танјуг.
„Секако, не е лесно да се спроведе ова во пракса, а сега се уште се потребни напори на Блискиот Исток за стабилизирање на прекинот на огнот за да функционира. Но, на крајот, сите треба да имаат иста цел – поголема безбедност“, нагласи Зеленски, додавајќи дека украинската страна е подготвена да одговори на ист начин ако Русите ги прекинат нападите, пренесува Укринформ.
Тој, исто така, го нарече прекинот на огнот на Блискиот Исток правилна одлука.