Украинскиот претседател Володимир Зеленски рече дека не е заинтересиран за „историски сра*а“ и бескрајни дискусии за минатото додека трае војната, туку само за брзо завршување на конфликтот и конкретни безбедносни решенија.
„Не ми требаат историски сра*а за да ја завршам оваа војна и да преминам на дипломатија. Тоа е само тактика на одложување“, напиша Зеленски на X.
Тој додаде дека прочитал барем толку историски книги колку што прочитал рускиот претседател Владимир Путин и дека знае повеќе за Русија отколку Путин за Украина.
„Бев во Русија, во многу градови. Познавав многу луѓе таму. Тој никогаш не бил толку многу пати во Украина. Бил само во големи градови. Јас сум бил и во мали градови. Од север до југ. Насекаде. Го знам нивниот менталитет. Затоа не сакам да губам време на сите овие работи“, рече Зеленски.
Тој исто така рече дека самото руско општество го избрало политичкиот систем во кој живее денес.
„Русите одлучија да се променат. Русите одлучија дека им е потребен нов цар. Тоа зависи од нив“, напиша тој.
„Војната мора брзо да заврши“
Сепак, тој нагласи дека клучното прашање за Украина е безбедноста.
„Голема војна се води против нас. Ова се нашите животи. Единственото нешто за кое сакам да разговарам со него е дека мора да го решиме тоа на најуспешен начин. Мислам брзо да се заврши војната. Затоа сакам да разговарам само за такви работи“, заклучи тој.
Пораката на Зеленски доаѓа во време кога во Женева се одржуваат нови рунди разговори за можен крај на војната.
Руската делегација ја предводи Владимир Медински, помошник на Владимир Путин и поранешен министер за култура, кој беше главен руски преговарач за време на преговорите во Истанбул во 2022 година.
Медински е познат по тоа што ги истакнува историските аргументи во рускиот наратив за Украина, вклучително и тврдењата за „историско единство“ меѓу Русите и Украинците, што западните аналитичари и украинската страна претходно го оценија како обид за оправдување на агресијата.
Токму ваков пристап Зеленски сега јавно го отфрла како губење време.
Тековните разговори досега не постигнаа видлив напредок, а двете страни јавно велат дека разликите се сè уште големи.
Во исто време, борбите на терен продолжуваат, додека Украина продолжува да бара безбедносни гаранции и дополнителна воена помош од западните сојузници како предуслов за трајно решение.