Володимир Зеленски остро ја критикуваше Европа во огнен говор во Давос, обвинувајќи ги европските лидери дека се во „режим на Гренланд“ затоа што чекаат лидерство од Доналд Трамп во врска со Украина и други геополитички кризи, наместо самите да преземат конкретни чекори, пишува Гардијан.
Повторувањето на празни фрази како: силно осудуваме, покануваме итн…, тој го поврза со филмот „Groundhog Day“.
– Сите се сеќаваат на одличниот американски филм „Groundhog Day“, но никој не би сакал да живее така. Да се повторува истото со недели, месеци и секако години. И сепак, токму така живееме сега – рече Зеленски.
We should not degrade ourselves to secondary roles – not when we have a chance to be a great power together.
We should not accept that Europe is just a salad of small and middle powers, seasoned with enemies of Europe.
When united we are truly invincible. Europe can and must… pic.twitter.com/WKozJJsTRH
— Volodymyr Zelenskyy / Володимир Зеленський (@ZelenskyyUa) January 22, 2026
Повикот на украинскиот претседател за мобилизација, насочен кон некои од најблиските сојузници на Киев, ја заокружи неделата извонредна дипломатска драма на Светскиот економски форум во швајцарски скијачки центар.
Таму, европските лидери се потрудија да го завршат спорот со Белата куќа околу Гренланд, додека неколку западни лидери – предводени од канадскиот премиер Марк Карни – повикаа на посилен отпор кон територијалните амбиции и политичките каприци на Трамп.
Зеленски рече: „Испраќањето 14 или 40 војници на Гренланд – што би постигнало тоа? Каква порака испраќа тоа до Путин? До Кина? И можеби најважно, каква порака испраќа до Данска?“
За време на говорот, тој посочи дека Украина би можела да помогне во одбраната на Европа во случај на руска инвазија на Гренланд, велејќи:
„Знаеме што да правиме ако руските воени бродови се приближат до Гренланд. Украина може да помогне во тоа. Тие можат да потонат кај Гренланд, исто како што потонуваат кај Крим.“
Во својот говор, Зеленски повика на посилен притисок врз Кремљ, во време кога Трамп го испрати својот претставник Стив Виткоф во Москва во четврток за да се сретне со Владимир Путин, во најновиот обид за унапредување на мировните разговори меѓу двете земји.
„Дури и минатата година, тука во Давос, го завршив мојот говор со зборовите:
„Европа мора да знае како да се одбрани“, рече Зеленски.
„Помина една година и ништо не се промени. Очите на сите се насочени кон Гренланд и е јасно дека повеќето лидери не се сигурни што да прават во врска со тоа. Се чини дека сите само чекаат Америка да се „смири“ по ова прашање, надевајќи се дека ќе исчезне само од себе. Но, што ако не исчезне – тогаш што?“
Украина, заедно со Русија и Белорусија, беше поканета да се придружи на иницијативата, но досега одбиваше.
„За нас е разбирливо што ќе бидеме во тој Одбор кога ќе заврши војната. Нние сме непријатели [на Русите]. Белорусија е сојузник на Русите. Не можеме да бидеме со нив““, рече Зеленски.