Украинскиот претседател Володимир Зеленски денеска се обрати пред американскиот Конгрес преку видео врска.
„Русија ја нападна нашата татковина и градови. Таа ги нападна нашите вредности на брутален начин. Нѐ нападна со тенкови, авиони, ја нападна нашата слобода, правото да живееме слободно во нашата земја и да ја планираме нашата иднина“, рече Зеленски.
„Се сеќавам на вашиот споменик на планината Рашмор и на лицето на основачот на САД засновани на демократија и слобода за сите кои работат чесно и го почитуваат законот. Истото го сакаме и за украинскиот народ“, рече Зеленски.
„Пријатели Американци, во вашата прекрасна историја сте го доживеале она што ви овозможува да ги разберете Украинците. Сакам да разберете што ни треба сега. Сетете се на Перл Харбор, кога небото се затемни од сите авиони кои ве напаѓаат. Сетете се на 11 септември 2001 година, страшниот ден кога злото се обиде да ги совлада и претвори вашите градови во боишта, кога невини луѓе беа нападнати од воздух. Тоа никој не можеше да го очекува, не можевте да го спречите, а нашата земја секојдневно го доживува истото. Секоја вечер во текот на три недели, Одеса, Житомир, Мариупол, Днипро и многу други градови се на удар, а Русија ја претвори Украина во поле на смртта за илјадници луѓе“, рече Зеленски.Знаете какви одбранбени системи ни се потребни, знаете колку зависиме од способноста да користиме моќни авиони, да го заштитиме нашиот народ, нашата слобода. Ни требаат авиони за помош на Украина и Европа. Ги имате овие авиони, но тие се приземјени, не се на украинското небо, не го штитат нашиот народ. Имам сон, тие зборови ви се познати, но имам потреба, треба да го заштитам моето небо и ми треба вашата помош, рече Зеленски.
Тој ја повтори својата благодарност до САД за досега направеното во однос на оружјето и обуката.
„Сега, во најтемниот момент за нашата земја, ве повикувам да сторите повеќе. Санкциите треба да се воведуваат секоја недела додека не се запре руската воена машинерија. Потребни се ограничувања за сите кои го поддржуваат овој режим. Препорачуваме да се воведат санкции за сите политичари во Русија кои не ја осудија инвазијата на Украина. Сите американски компании мора веднаш да го напуштат рускиот пазар, бидејќи тој пазар ни е натопен во крвта. Ве молиме преземете водство, ако имате компании кои сè уште се во Русија кои ја финансираат руската машинерија, ве молиме вршете притисок врз Русија да не добие пари за да ја уништи нашата земја. Мирот е поважен од приходите и ние мора да го браниме овој принцип во целиот свет“, рече Зеленски.
На конгресмените им покажа видео од украинските градови пред војната.
„Денес не е доволно да се биде само лидер на светот, туку и лидер на мирот. Мирот не зависи само од вас, тој зависи од оние околу вас, од оние кои се силни. Да си силен не значи дека си голем, туку дека си храбар и подготвен да се бориш за животите на своите граѓани и граѓаните на светот, за слобода, достоинствен живот и смрт кога ќе дојде време, а не за некој друг да одлучи сосед“, рече Зеленски.
„Се бориме за европските и светските вредности. Затоа американскиот народ и помага не само на Украина, туку и на Европа и на светот“, рече Зеленски.
„Денес имам 35 години, но мојот живот престана кога починаа 100 деца. Не гледам причина да живеам ако не можам да ја спречам смртта. Како лидер на мојата нација, морам да му се обратам на претседателот Бајден. Ти си лидер на твојот народ, сакам да бидеш лидер на светот. Да се биде лидер на светот значи да се биде лидер на мирот. Благодарам“, рече Зеленски.
Ви благодариме за поддршката“, рече Зеленски.
Пратениците го поздравија со силен и продолжен аплауз.