Здружението “Браин Гинис” и ООУ “Кочо Рацин” потпишаа меморандум за соработка

Основното општинско училиште “Кочо Рацин” од Куманово, денеска потпиша меморандум за соработка и разбирање со Здружение за умствен развој на деца “Браин Гинис” Куманово, кое ја покрена кампањата “УЧАМ+ЗНАМ=ВРЕДАМ”.

Кампањата која ќе се спроведе е со цел да се стави акцент на сите деца кои имаат интелектуални капацитети и како такви да се задржат во општеството, се вели во соопштението на Здружението за умствен развој на деца.

Во рамки на кампањата ќе се оддржи и куклена претстава во театар Куманово, која е интерактивна, насловена како “Мајка, именка што нема заменка”.

Преку соработката, планирано е да се спроведе и едукација на наставен кадар на семинари организирани од страна на здружението, преку кои кадрите ќе се стекнат со методи полесно да се идентификуваат децата кои се талентирани, кои во себе имаат потенцијал да ги истакнат своите способности и квалитети.