Затворениот критичар на Кремљ, Алексеј Навални повика на антивоени протести во Москва и другите градови во недела.
„Лудиот манијак Путин сега најбрзо ќе биде запрен од рускиот народ ако се спротивстави на војната“, напиша Навални на Инстаграм.
Украина: Русите погодија психијатриска болница, внатре имаше 330 луѓе
„Морате да одите на антивоени собири секој викенд, дури и ако се чини дека сите заминале или се исплашени… Вие сте столбот на движењето против војната и смртта“, рече тој.
Русија ја започна инвазијата на Украина на 24 февруари, што е најголемиот напад врз европска земја од Втората светска војна.
Москва тоа го нарекува „специјална операција“ за разоружување и „денационализирање“ на Украина.
Украина и нејзините западни сојузници го нарекуваат неосновано оправдување за намерен напад што предизвикува страв од поширок конфликт во Европа.
Британски министер: Ако Русите нападнат со хемиско оружје нека бидат подготвени за одговор
Протестната група ОВД Инфо вели дека 13.908 луѓе се приведени во антивоените протести во Русија од почетокот на инвазијата.
Навални беше затворен минатата година кога се врати од лекување во Германија по нападот со нервен агенс за време на посетата на Сибир во 2020 година. Руските власти го негираа нападот.
Навални може да објавува објави на социјалните мрежи преку своите адвокати и сојузници.