Официјалната претставничка на Министерството за надворешни работи на Русија, Марија Захарова, денес изјави дека Москва нема да ги запре воените операции на фронтот во Украина и да гледа како Киев се вооружува со помош на западните сојузници во тој период.
„Дали мислат дека Русија ќе стави сè на чекање и ќе гледа како режимот во Киев се вооружува? Не, нека бараат такви будали меѓу себе, ако сакаат да спроведат такви одлуки“, рече Захарова на прес-конференција за актуелни прашања од надворешната политика, пренесува Спутник.
Таа додаде дека изјавите на генералниот секретар на НАТО, Марк Руте, за безусловното вооружување на Киев покажуваат, како што изјави таа, дека „европските лидери размислуваат за продолжување на војните, вклучително и водење хибридна војна“.
„Сега тие велат дека ќе го снабдуваат режимот во Киев со оружје без оглед на текот на мировните преговори. Ова покажува дека тие имаат само едно нешто на ум – продолжување на конфликтот и продолжување на хибридното војување. И под тој изговор, секој од нив ги решава своите задачи“, објави Захарова.
Руте претходно изјави дека смета дека е потребно да се зголеми поддршката на НАТО за Украина во 2026 година.
Тој исто така изјави дека земјите од групата „Рамштајн“ ќе купат оружје за Киев во вредност од стотици милиони долари, според „Спутник“.