За прв пат во историјата на медицината: Човек доживеал срцев удар, а помош му била доставена со дрон (ВИДЕО)

On:
Сподели со своите пријатели

На почетокот на декември 71-годишниот Швеѓанец доживеа срцев удар додека го чистеше снегот пред својата куќа, а преку дрон му беше доставена многу потребната помош, што се смета за прв ваков случај во медицинската документација.

Loading...

Д-р Мустафа Али возел кон локалната болница, кога забележал човек кој колабирал на неговиот пат и веднаш сфатил дека нешто не е во ред. Тој му пришол на помош и брзо заклучил дека мажот нема пулс. Почнал со реанимација и побарал случаен минувач да повика брза помош, пренесува „Унилад“.

– Само неколку минути подоцна видов нешто како ми прелета над главата. Беше тоа дрон со дефибрилатор – рекол докторот.

 

 

 

Дефибрилаторот пристигна од услугата „Евердроун“ за итна медицинска испорака од воздух, иновативна алка во синџирот на спасувачки мерки во регионот Вестра Готаланд во Шведска, само три минути по повикот до итната помош.

Loading...

Но брзо применил терапија, по што несреќниот маж бил префрлен во болница. Благодарение на докторот и иновативноста на компанијата „Евердроун“, постариот маж преживеал срцев удар и целосно закрепнал.

 

 

– Да не беше дронот, веројатно немаше да бидам тука. Ова е навистина револуционерна технологија која треба да се применува насекаде. Секому може да му се случат ненадејни срцеви удари, рекол човекот.

Од компанијата што го изработија овој систем велат дека е формиран за да се скрати времето на одговор на итните служби и континуирано се подобрува во соработка со Центарот за наука за реанимација. Беспилотните летала се интегрирани со системот за диспечер за итни случаи и го намалуваат времето на чекање за помош.

 

Loading...