За 10 години, автомобилите ќе изгледаат сосема поинаку

За 10 години автомобилите ќе изгледаат сосема поинаку, вели основачот на компанијата Римац од Хрватска, Мате Римац.

Вчера компанијата објави дека ќе се спои со легендарната марка Бугати, а по тој повод Римац одговори на прашањето како ќе изгледаат автомобилите за пет години.

Римац вели дека до 2030 година скоро сите автомобили ќе станат електрични, а за 10-15 години предвидува дека автомобилите нема да имаат волани и нема да бидат во сопственост на корисниците, но луѓето ќе ги користат како транспортна услуга од точката А до точката Б.

„Тоа целосно ќе го промени општеството, не само автомобилската индустрија, исто како паметните телефони“, рече Римац.