Вулканот Шивелуч на Камчатка во Русија исфрли пепел во висина од 11 километри, а тоа беше втор облак од пепел во последните 24 часа, објави огранокот на Геофизичката служба на Руската академија на науките во Камчатка.
„Пепел беше исфрлена од вулканот Шивелуч денес во висина од 11 километри, а самиот вулкан е висок 3.283 метри“, според извештајот, пренесува ТАСС.
Ова е втор облак од пепел во последните 24 часа. Претходно беше објавено дека вулканот Шивелуч исфрлил пепел во висина од шест километри надморска височина.
Шивелуч е активен вулкан во Камчатка, кој се состои од вулканот Стар Шивелуч, древна калдера и активниот вулкан Млад Шивелуч, кој е стар 60.000-70.000 години.
Се наоѓа на приближно 50 км од селото Кључи во округот Уст-Камчатски и на 450 км од Петропавловск-Камчатски.