Српскиот претседател Александар Вучиќ во вторник изјави дека во текот на денешниот ден очекува нови оставки „во Владата и на други места“ поради одговорноста за несреќата во Нови Сад во која загинаа 15 лица, оценувајќи дека Србија во меѓувреме „запрела“ бидејќи никој во тој не сака да потпише „никакви документи и дозволи“ на државните органи.
Во своето прво обраќање до јавноста по падот на настрешницата на железничката станица во Нови Сад, Вучиќ – коментирајќи ги протестите што следеа, и барањата на јавноста и опозицијата да се утврди одговорноста за таа трагедија – рече дека „некои успеале да ја запре Србија со притисок и страв“.
„Се работи за тоа што денеска не можеш да добиеш потпис на ниту еден државен орган, никој ништо не сака да потпише. Не можете да добиете никакви документи бидејќи никој не сака да го стави својот потпис и да одговара за ништо“, изјави Вучиќ на новинарите.
Тој нагласи дека мора да има „значителна одговорност во кривично-правниот предмет бидејќи 15 лица не загинале по своја вина и одговорност, туку затоа што некој не си ја завршил работата како што треба и согласно законот“.
Вучиќ оцени дека сите, вклучително и тој, учествуваат во кампањата за пронаоѓање на одговорните.
„Денес сите ние, вклучително и јас и моите пријатели, како ѕверови учествуваме во кампањата за барање крв и одговорните, иако навистина не сме сигурни што бараме“, рече Вучиќ.
Вучиќ, по повод повеќечасовната блокада на обвинителството и судот во Нови Сад, нагласи дека „ни обвинителите не одредуваат кој е виновен“, туку дека тоа е работа на судовите.
Сигурен сум дека надлежното обвинителство во најбрз можен рок ќе преземе мерки“, изјави Вучиќ.