Десетици луѓе со часови останале заробени во тунелот под Ла Манш откако се расипал воз што сообраќал од Кале, Франција до Фокстон, Велика Британија, јавува Би-би-си.
Се појавија снимки на кои се гледаат патниците од шатлот од Евротунел, кои биле евакуирани во делот за итни случаи, како шетаат низ тунелот меѓу Велика Британија и Франција.
Тие на крајот беа ставени во воз за замена и однесени на терминалот Фокстон во Кент.
Dozens of people were left stranded for hours inside the Channel Tunnel after a train from Calais to Folkestone appeared to have broken down. https://t.co/BTJy4OOPrP
— BBC South East (@bbcsoutheast) August 24, 2022
Компанијата најпрвин на Твитер објави дека возот се расипал, а подоцна во изјава за Би-Би-Си дека не, но навела дека се активирани алармите на него, што барало да се истражи причината и да се евакуираат патниците.
Со дел од 37,9 километри, овој тунел го има најдолгиот подводен дел во светот, јави Би-Би-Си.