Берзанските индекси силно пораснаа на Волстрит во средата, при што Dow Jones достигна рекордно високо ниво, откако американската централна банка сигнализираше дека циклусот на затегнување на монетарната политика е завршен и дека се намалуваат каматните стапки.
Dow Jones зајакна 1,40 отсто, на рекордни 37.090 поени, додека S&P 500 порасна за 1,37 отсто, на 4.707 поени, а Nasdaq индексот порасна за 1,38 отсто, на 14.733 поени.
На последната седница од годината, челниците на ФЕД ги оставија каматните стапки непроменети во опсег од 5,25 до 5,50 отсто, имајќи предвид дека инфлаторните притисоци постепено се намалуваат.
Ова се очекуваше, но пазарот беше поттикнат од оценката на речиси сите лидери на ФЕД дека каматните стапки ќе бидат намалени во наредната година и тоа во три наврати.
Дополнителна поддршка за пазарот даде коментарот на претседателот на ФЕД Џером Пауел на прес-конференцијата дека централната банка најверојатно нема повторно да ги зголеми каматните стапки.
„Инфлацијата се намали и без значително зголемување на невработеноста. Тоа е добра вест“, рече Пауел и додаде: „ФЕД сега е многу фокусирана да не направи грешка да ги држи каматните стапки премногу високи предолго“.
По оценките и пораките на лидерот на ФЕД, пазарот сега проценува дека има 90 отсто шанси централната банка, по повеќе од година и половина затегнување на монетарната политика, да почне да ги намалува каматните стапки во мај.
„На крајот на краиштата, изгледа дека инфлацијата ќе се спушти на нормално ниво без рецесија. На тоа се надеваа инвеститорите, а сега тоа е многу веројатно“, рече Том Мартин, портфолио-менаџер во Globalt Investments.
Освен Дау Џонс, и останатите индекси вчера достигнаа нови годишно ниво.
И на европските берзи, кои вчера беа затворени пред одлуките и пораките на ФЕД, се тргуваше внимателно. Лондонски FTSE индекс зајакна 0,08 отсто, на 7.548 поени, додека франкфуртски DAX ослабе за 0,15 отсто, на 16.766 поени, а париски CAC 0,16 отсто, на 7.531 поен.