Британксата министерка за надворешни работи Лиз Трас, која беше во официјална посета на Москва, на Твитер се закани со „катастрофални последици за Русија во случај на војна со Украина“.
– Оваа недела сум во Москва за да испратам силна порака дека војната во Украина ќе биде погубна за Русија, Украина и европската безбедност. Русија мора да го следи дипломатскиот пат и да го почитува суверенитетот и територијалниот интегритет на Украина – напиша таа утрово на Твитер.
Лиз Трас е во дводневна работна посета на Москва.
Рускиот министер за надворешни работи Сергеј Лавров ќе разговара со неа на 10 февруари.
Тие ќе разговараат за европската безбедност и долгорочните безбедносни гаранции што ги бара Русија.
This week I am in Moscow to deliver a strong message that war in Ukraine would be disastrous for Russia, Ukraine and European security.
Russia must pursue a diplomatic path and respect the sovereignty and territorial integrity of Ukraine. pic.twitter.com/MKJQCprHxR
— Liz Truss (@trussliz) February 10, 2022
Британската амбасада во Москва прецизираше дека Трус ќе инсистира на тема Украина.
На 11 февруари во руската престолнина ќе пристигне и британскиот министер за одбрана Бен Валас.
Ден претходно, на 9 февруари, рускиот амбасадор во Обединетото Кралство Андреј Келин истакна дека е бескорисно ако Трас и Валас дојдоа во Русија уште еднаш да се заканат со санкции.
„Тогаш разговорот во Москва веројатно ќе биде доста краток“, рече тој.